Россиянинг БМТдаги доимий вакили Василий Небензя Ғазо секторида оммавий қабрлар топилгани юзасидан мустақил халқаро текширув ўтказиш зарурлигини айтди. У БМТ Бош Ассамблеясининг ялпи сессиясида тегишли чақириқ билан чиқди.
Яқинда анклавда оммавий қабрлар топилгани ҳақида даҳшатли хабарлар пайдо бўлди. Жиноятчиларни жавобгарликка тортиш учун мустақил халқаро тергов зарур. Ғазо секторидаги кўплаб шаҳарлар вайрон қилинган, касалхоналар ва мактаблар йўқ қилинган, йўллар бузилган БМТнинг миналарга қарши курашиш хизматига кўра, Ғазодаги портламай қолган снарядларни олиб ташлаш ишлари 14 йил давом этиши мумкин, — дейди Василий Небензя.
22 апрель куни Хон Юнис шаҳридаги шифохона яқинидаги иккита оммавий қабрдан 400 га яқин жасад топилди. Ал Қудс Ал Араби ва Al Jazeera телеканалларига кўра, бу Исроил ҳарбийлари томонидан содир этилган жиноят изларини яшириш учун қилинган.
Исроил армияси 4 ойлик қамалдан сўнг 7 апрель куни Хон Юнисдан чекинган. Қўшинлар олиб чиқилгач, шаҳарда оммавий қабрлар топилган, баъзи жасадларда қийноқ ва қатл излари бўлган. Уларнинг айримлари тириклайин кўмилгани тахмин қилинмоқда.
Изоҳ (0)