Бангладешда сўнгги бир ҳафта ичида аномал иссиқлик оқибатида камида 10 киши вафот этди. Бу ҳақда Тhе Dhaka Tribune хабар берди.
Жанубий Осиё республикасининг 17 та ҳудудида ҳаво ҳарорати рекорд ўрнатмоқда. Жумладан, ҳарорат Цельсий бўйича 40 даражадан ошган, Даккада 41 даражага етган. Синоптикларнинг огоҳлантиришича, аномал иссиқлик яқин кунларда ҳам давом этади.
Ҳиндистоннинг марказий ва жанубий штатларида ҳам ҳарорат кескин ошган. Нью-Деҳлида ҳаво ҳарорати меъёрдан бир неча даража юқори ва шамолсиз 40 даражага яқинлашмоқда. Одиша, Ғарбий Бенгалия, Биҳарда эса 45 даражани қайд этган. Жанубий Керала штатида жазирама туфайли икки киши ҳалок бўлган.
Расмийлар аҳолидан кун давомида кўчага чиқмасликни, кўп сув ичиш ва иссиқ ҳавода оғир жисмоний машқлардан тийилишни сўрамоқда.
Изоҳ (0)