Фарзанд ҳақида гап кетганда ҳар қандай ота-она боласи учун энг яхши нарсани раво кўришини биламиз. Дунёга машҳур юлдузлар меросхўрларини ҳеч нарсадан рад этмайди. Улар ўз фикр ва дунёқарашидан келиб чиққан ҳолда фарзандларида энг яхши болалик хотиралари қолиши учун барча ишга тайёр туради.
Кайли Женнер
Америкалик таниқли модел ва миллиардер, тадбиркор Кайли Женнер ҳашаматли ҳаёт тарзини кечиради. Унинг 4 ёшли қизи Сторми Louis Vuitton бренди кўринишида махсус дизайнга эга болалар электр машинаси — Lamborghini автомобилида юради. Қизнинг улкан ўлчамдаги қўғирчоқлар уйи ва ичи қимматбаҳо кийим-кечакларга тўла ҳашаматли шкафи бор.
Сторми 2 ёшга тўлган куни онаси қизи учун шахсий истироҳат боғини қуриб берди. Туғилган кун учун ташкил этилган тадбирда барча меҳмонлар учун бепул аттракционлар, бассейн, футболкалар ва эсдалик совғалари тарқатилган.
Паркга кириш қисми Стормининг юзи шаклида қурилган. Қизиқ, бундай сарф-харажатни икки ёшли қизалоқ тушунармикан?
“Фарзандим шундай сеҳрли ҳис-туйғуларни туя олиши учун керакли шароитларни ярата олганимдан жуда хурсандман” — деб ёзади Кайли Женнер ижтимоий тармоқларда.
Карди Би
Реппер аёл доимо ўз бойлигини барчага кўрсатишни ёқтириб келган. Хонанда сўзларига кўра, болалари ўз даража ва мақомига мос келадиган энг қимматбаҳо кийимларда юриши шарт. 4 ёшли Калчер Kиарига қарасангиз, у супер юлдузнинг қизи эканлигини дарҳол англайсиз.
“Очиқ айтаман, болалар билан ташқарига кўп чиқаман: улар мен билан турли ресторанларга, ижтимоий тадбирларга ташриф буюришади. Агар мен доим энг яхшисини ўзимга раво кўрсам, қандай қилиб боламни булардан чеклашим мумкин? Қизим онасига ўхшаши керак”, — дейди хонанда.
Бейонсе
Бейонсенинг 10 ёшли қизига бундан ҳам катта омад кулиб боққан. Хонанда қизини нафақат катта пул билан сийлайди, балки бешикда бўлган вақтиданоқ қизининг карьераси ўсишида ёрдам беради. Блу Айви (Blue Ivi) болалигидан катта саҳналарда қўшиқ айтади ва “Қирол шер” фильмига саундтрек айтгани учун Soul Train Awards мукофотини қўлга киритган. Тахмин қилинишича, Бейонсе қизининг муваффақиятли келажаги аллақачон кафолатланган.
Дарвоқе, яқинда Блу Айви ким ошди савдосида 80 минг долларлик олмосли сирғаларни сотиб олмоқчи бўлди. Қизиқ, бундай катта миқдордаги пулларни ота-онаси билан маслаҳатлашмасдан хотиржамлик билан ишлата оладиган қизга ҳар куни Бейонсе ва Жей-З қанча чўнтак пули беришар экан?
Кристина Агилера
“Энг яхшиси фарзандлар учун!” Бу Кристина Агилеранинг доимий шиори бўлиб келган. Хонанданинг биринчи фарзанди Макс туғилишидан олдин ўғли учун мўлжалланган хонани дизайнерлик мебеллари, қимматбаҳо ўйинчоқлар билан жиҳозлаган. Бундай болалар хонасига Агилера 35 минг доллар сармоя киритган.
2014 йилда Кристина қизи Саммерни дунёга келтирди. Ҳаётининг биринчи кунларида Саммер онаси билан “People” журнали учун биргаликда суратга тушган.
Уилл Смит
Актёрнинг мусиқа билан шуғулланадиган иккита иқтидорли фарзанди — қизи Уиллоу ва ўғли Жейден бор. Уилл Смит уларнинг карьераси ривожига катта ҳисса қўшган. Болалар нафақат мусиқий рэпертуари, балки фильмларда ўйнаган роллари билан ҳам машҳур.
2006 йилда Уилл ва Жейден “Бахт ортидан қувиб” фильмида суратга тушишди. 2007 йилда унинг қизи ҳам фильмда ўз дебютини амалга оширди: Уиллоу “Мен афсонаман” фильмининг иккинчи қисмида суратга тушди.
“Ўғлим билан бирга ишлаб, ота-оналик бурчимни бажармоқдаман. Қаранг, биз биргаликда интервью беряпмиз, бирга ишлаймиз ва саёҳат қиламиз. Шундай пайтларда мен ўғлимга ўз билим ва тажрибаларимни ўртоқлашаман”, — дейди актёр.
Билли Рей Сайрус
Билли Рей Сайрус бўлмаганида эди, дунё Майли Сайрус ҳақида билмаган бўлар эди. Албатта, хонанда бутун дунёга машҳур бўлиш учун жуда кўп меҳнат қилди, чунки у болалигидан қўшиқ куйлаб келган.
Аммо шунга қарамай, актёр ва мусиқачи Билли Рей қизини тарғиб қилишда катта ёрдам берган. У қизига вокалдан дарс берди, куйлар басталади, ота ва қиз бир неча йил давомида Disney каналидаги “Ҳанна Монтана” сериалида бирга рол ўйнашди. Оиладаги мўжаро туфайли Майли ҳозирда отаси билан алоқани узгани жуда ачинарлидир.
Изоҳ (0)