“Гарри Поттер”да сеҳргарларни ўйнаган катта ёшли актёрларнинг кўпчилиги ўша пайтда фарзандли эди. Болаларнинг баъзилари саҳна ортида ўсган, уларнинг юлдуз оталари ва оналари ёш сеҳргарларнинг саргузаштлари ҳақидаги машҳур фильмда рол ўйнаган.
Мегги Смит, Крис Ларкин ва Тоби Стивенс
1967 йилда Мегги Смит актёр Роберт Стивенсга турмушга чиқади. Эр-хотиннинг иккита ўғли бор: Крис Ларкин ва Тоби Стивенс — уларнинг иккаласи ҳам актёр. Крис “Чет эллик” телесериалида, Тоби эса “Жейн Эйр” романига мослаштирилган фильмлардан бирида жаноб Rocheстер ролини ўйнаган. Профессор Макгонагал эса бахтли буви — унинг 5 нафар невараси бор.
Имелда Стаунтон ва Бесси Картер
Имелда Стаунтон ва унинг турмуш ўртоғи, актёр Жим Картернинг 1993 йилда туғилган Бесси исмли қизи бор. У таниқли ота-онасининг изидан бориб, фильмларда рол ўйнай бошлайди. У отаси билан 2007 йилда “Кренфорд” телесериалида иштирок этган, унда Жим Картер капитан Браун ролини ва Бесси Картер эса хизматчи аёл ролини ўйнаган.
Гери Олдмен ва Алфи Олдмен
Актёр 5 марта оила қурган. 1987 йилда у инглиз актрисаси Лесли Менвилга уйланади ва тез орада Алфи исмли ўғил кўради. Эр-хотин биринчи фарзандлари туғилгандан атиги 3 ой ўтгач, ажралишга қарор қилишади. Бироқ улар дўстона муносабатларни сақлаб қолишади — ота ва ўғил ўртасидаги алоқа узилмайди.
Робби Колтрейн ва Элис Макмиллан
1980 йилларнинг охирида Колтрейн ўзидан анча ёш бўлган ва Глазго санъат мактабида таҳсил олган ҳайкалтарош Рона Геммелл билан танишади. Жуфтликнинг икки фарзанди бор: ўғли Спенсер ва қизи Элис Макмиллан. Элиснинг бир нечта фильмларда рол ўйнаган, асосан эпизодик роллар ва қисқа метражли фильмларда.
Уорвик Дэвис ва Аннабел Дэвис
Дэвис 2024 йил март ойида вафот этган актриса Саманта Берроузнинг турмуш ўртоғи эди. Эр-хотиннинг 2 нафар фарзанди бор — қизи Аннабел Дэвис ҳам фильмларда рол ўйнайди: уни “Гарри Поттер”нинг фильмларидан бирида, “Юлдузлар жанги”нинг замонавий эпизодларида ва “Жодугар” сериалида кичик ролда кўриш мумкин.
Эмма Томпсон, Гая ва Тиндиэбуа Агабу
Эмма Томпсон иккинчи турмуш ўртоғи, актёр Грег Уайз билан 1995 йилда “Ақл ва ҳиссиёт” фильмини суратга олиш майдончасида танишган. 8 йилдан кейин улар турмуш қуришади. 1999 йилда эр-хотиннинг Гая исмли қизи дунёга келади — ҳозирда у ҳам актриса. 2003 йилда эр-хотин Тиндиэбуа Агаба исмли етим болани асраб олишади.
Брендан Глисон ва Брин Глисон
Қўрқинчли профессор Грюм ролини ижро этган актёрнинг тўрт ўғли бор: Донал, Фергус, Брайн ва Рори. Донал ва Брайн оталарининг изидан боришди ва фильмларда рол ўйнашни ҳам бошлади.
Жейсон Айзек, Лили ва Руби
“Гарри Поттер” мухлислари Луциус Малфойнинг ягона ўғли Драко бўлганини билишади. Аммо бу ролни ўйнаган Жейсон Айзекнинг ҳужжатли фильм режиссёри Эмма Хьюитт билан никоҳидан туғилган икки қизи бор. Эр-хотин талабалик даврида учраша бошлаган ва 2001 йилда севишганлар турмуш қуришга қарор қилишган. Ҳозирда улар Лили ва Руби исмли қизларни тарбияламоқда.
Ҳелена Бонем Картер ва Билли Реймонд Бёртон
Ҳелена Бонем Картер ва унинг собиқ эри Тим Бёртоннинг Билли Реймонд исмли ўғли ва Нелл исмли қизи бор. Уларнинг дунёга келиши жуда кўп муаммолар билан кечган. Интервьюларининг бирида актриса бепуштлик билан қандай курашгани ва ҳомиладорлик пайтида дуч келган қийинчиликлари ҳақида гапириб берган.
Девид Тюлис ва Грэйси Фрил
“Гарри Поттер”да профессор Люпин ролини ижро этган актёр инглиз актрисаси Анна Фриэл билан турмуш қурган. Уларнинг Грэйси исмли қизи бор. Эр-хотин ажрашган бўлса-да, лекин Девид доим қизининг ёнида: фотомухбирлар бир неча бор ота ва қизининг ёқимли суратларини олишга муваффақ бўлган.
Изоҳ (0)