Omma doim hamma narsani bilishga qiziqadi: mashhurlarning nima yeyishi, o‘ziga qanday g‘amxo‘rlik qilishi, qayerga sayohatga borishi, nima sotib olishi-yu, “Dunyo go‘zallari” qanday erkaklarga turmushga chiqqanigacha. Eng qizig‘i esa bu sohibjamollarning bolalari qanday ko‘rinishga ega?
Ayshvariya Ray
1994-yilda Ayshvariya Ray “Dunyo go‘zali” unvoniga loyiq ko‘riladi. Uning go‘zalligi hali ham ko‘zni qamashtiradi: Ayshvariya hozir ham xuddi o‘shanday go‘zal.
Yulduz Abhishek Bachchanga turmushga chiqadi va sevimli qizi — kichik malika Aaradhyani dunyoga keltiradi. Ko‘rinishidan qizaloqqa onasidan hech narsa o‘tmagan, hammasini otasidan meros qilib olgan: ko‘zlari, lablari, burni — Aaradhya Abhishekning quyib qo‘ygandek o‘zi.
Yuliya Ionina
Bu go‘zal ayol ko‘p bolali ona va tadbirkorning rafiqasi sifatida “Dunyo go‘zali 2014” tanlovi g‘olibi bo‘lgan. Birinchi turmushidan uch farzandini dunyoga keltirgan: bir qiz va ikki o‘g‘il.
Qizi go‘zal onasining ayni nusxasi, o‘g‘li esa ko‘proq otasiga o‘xshaydi. Biroq tanlovda g‘alaba qozonganidan so‘ng, Yuliyaning shaxsiy hayoti buziladi, lekin tez orada Yuliya tadbirkor Boris Avakyanga turmushga chiqadi.
Lara Datta
Ayshvariya Ray so‘nggi ming yillikning g‘olibasi bo‘lgan bo‘lsa, XXI asrda “Koinot go‘zali 2000” unvoni hindistonlik go‘zal Lara Dattaga nasib etadi. U kelishgan tennischiga turmushga chiqib, go‘zallikda onasidan kam bo‘lmagan qizi Sayrani dunyoga keltiradi.
Monika Belluchchi
Monika go‘zallik tanlovlarida qatnashmagan, lekin ko‘p yillar davomida jamoatchilik aktrisani sayyoradagi eng go‘zal ayol deb tan olgan. Qizi Deva esa onasining barcha go‘zalligini va otasining jozibasini meros qilib olgan.
Anjelina Joli
Anjelina Joli — musobaqalarda ishtirok etmagan, lekin butun dunyo tomonidan tan olingan sohibjamol. Moda jurnallari tomonidan tuzilgan barcha turdagi reytinglar aktrisani ayollar orasida bir necha bor shohsupaga ko‘targan.
Shubhasiz, uning qiyofasi, go‘zalligi, nafisligi va xarizmasini e’tiborsiz qoldirib bo‘lmaydi. Shuningdek, Joli va Pittning qizi Shaylo ham jamoatchilik e’tiboridan chetda qolmaydi.
Ameliya Vega
2003-yilda Dominikan Respublikasi tarixida birinchi marta “Dunyo go‘zali” unvonini ushbu respublika vakili qo‘lga kiritdi. O‘shandan 2011-yilgacha Ameliya sayohatlar, fotosessiyalar, loyihalar, filmlar va shoularga boy go‘zal, yorqin va faol hayot kechirdi.
2011-yilda Vega muhabbatini uchratadi va oilaviy baxtga erishadi. Ameliya hayotini basketbolchi Al Horford bilan bog‘laydi — o‘g‘li va uch qizini dunyoga keltiradi. Juftlikning bolalari shunchalik yoqimtoyki, ularning hech bo‘lmasa model bo‘lishlarini bashorat qilish mumkin.
Izoh (0)