Германияда Rheinmetall қурол компанияси раҳбарининг дачаси ёқиб юборилди

Германияда активистлар Rheinmetall қурол компанияси раҳбари Армин Паппергернинг дачасини ёқиб юборди. Бу ҳақда Bild хабар берди.

Қуйи Саксониядаги Ҳерманнсбург шаҳрида жойлашган объект 30 апрелга ўтар кечаси ёниб кетган. Ўт қўйиш учун масъулиятни ўз зиммасига олган активистлар интернетда “Rheinmetall — бурилиш нуқтаси деб аталадиган нарсадан фойда кўрадиганлардан бири” деган пост жойлаштирган. Уларнинг сўзларига кўра, компания ҳозирда эски зирҳли техника захирасини тўлдирмоқда, улар “Украинага ўқ-дорилар билан бирга сотилиши ва катта фойда келтириши мумкин”.

“Rheinmetall нафақат миллий миқёсда режалаштиришади, ишлаб чиқарилади ва ўлдиради”, — деб таъкидлади фаоллар.

Пост охирида: “Даниэлга эркинлик!” деган ёзув бор. Эҳтимол фаоллар икки ой олдин Берлинда 30 йиллик қидирувдан сўнг қўпорувчилик ва қотилликка алоқадорликда айбланиб ҳибсга олинган фаол Даниэль Клеттега ишора қилмоқда.

• Rheinmetall Германия ва бутун Европадаги энг йирик ҳарбий техника ишлаб чиқарувчи концернлардан биридир.
• Украинада уруш бошланганидан сўнг, Rheinmetall Германия ва бошқа Европа мамлакатлари ҳукуматларидан снаряд ва қурол ишлаб чиқариш бўйича кўплаб буюртмалар олди.
• Компаниянинг бозор капиталлашуви 2022 йил бошидан буён беш баравар ўсди.