Исроил ҲАМАСни Рафаҳдаги қуруқликдаги операция олдидан гаровга олиш келишувига эришиш учун охирги имконият борлиги ҳақида огоҳлантирди, дея Euronews хабар берди.
Исроил ОАВлари Қоҳирадаги музокараларнинг навбатдаги босқичи 26 апрель куни якунланганини хабар қилган эди. Исроил делегацияси келишувни таъминлаш учун яна кенг кўламли ён беришларга тайёрлигини айтган.
ОАВга кўра, Исроил ҲАМАС таклиф қилганидек, гаровга олинган 33 нафардан кўп бўлмаган: аёллар, болалар, қариялар ва касалларни озод қилишга розилик билдирган.
“Сўнги имконият”нинг аниқ вақти аниқланмаган.
Бирлашган Миллатлар Ташкилоти терговчилари Исроил томонидан айбланаётган фаластинлик қочқинларга ёрдам кўрсатиш агентлиги (UNRWA) ходимлари бўйича19 ишнинг бештасини далиллар йўқлиги сабабли тўхтатиб қўйган эди. Кейинги 7 та ҳолатдан 1 таси Исроилдан янги далиллар тасдиқлангунга қадар тўхтатилган. Терговчилар қолган ишлар бўйича ишлашда давом этишларини таъкидламоқда.
Исроил UNRWA’ни ҲАМАСга ёрдам беришда айблаганидан кейин тўхтатилган UNRWA’ни молиялаштиришни давом эттиришга кўпроқ давлатлар қарор қилмоқда. 26 апрель куни Нидерландия ҳукумати, агар БМТ агентлиги бетарафлигини мустаҳкамлаш бўйича тавсияларни амалга оширса, уни молиялаштиришни тиклашни кўриб чиқаётганини айтган.
UNRWA Ғазо секторидаги миссиясини давом эттириш учун барча имкониятларни ишга солаётганини таъкидламоқда. Айни пайтда, Истанбул яқинидаги портга қўнган ва юк олаётган бир неча кемадан иборат Озодлик флотилиясидан ёрдам келиши кутилмоқда. “Флотилия” кўп кундан бери у ерда бўлиб, унинг жўнатилиши кечиктирилмоқда. Фаоллар Исроилни янги бюрократик тўсиқлар яратишда айблаган.
Маълумотларга кўра, “Озодлик флотилияси” 5500 тоннага яқин гуманитар юкни ташимоқда, ташкилотчилар Исроил денгиз кучларининг Ғазо блокадасини бузиш ниятида.
Изоҳ (0)