Исроил мудофаа кучлари Ғазо сектори жанубидаги Хон Юнис ва Рафаҳ шаҳарлари, шунингдек, марказий Фаластин анклавидаги Нусейрат қочқинлар лагеридаги нишонларга ҳаводан зарбалар берди. Бу ҳақда Walla ахборот портали маълум қилди.
Унга кўра, зарбалар оқибатида ҳалок бўлган ва яраланганлар бор. Уларнинг сони ҳозирча аниқ эмас.
Яқин Шарқдаги вазият 2023 йил 7 октябрь куни Ғазо секторидан Исроил ҳудудига ҲАМАС томонидан ракета зарбалари берилганидан кейин кескин ёмонлашди.
Исроил томони бунга жавобан, ҳозиргача давом этаётган “Темир қиличлар” операцияси бошланганини эълон қилганди.
Изоҳ (0)