Италия G7 мамлакатлари ўртасида электр энергияси ишлаб чиқаришда кўмирдан фойдаланишни тўхтатиш бўйича умумий санани белгилашда келишувга чақирмоқда. Бу ҳақда дипломатик манбаларга таяниб, Reuters хабар берди.
Бу йил G7 учрашувига раислик қилаётган Италиянинг ўзи 2025 йилгача Сардиния оролидагилардан ташқари барча кўмир электр станцияларини ёпишни режалаштирмоқда.
Германия ва Италия кўмирдан воз кечиш бўйича келиша олмаяпти.
Германия Италиянинг кўмирни босқичма-босқич бекор қилиш муддатини белгилаш ҳаракатларига қарши, — деб ёзади Reuters.
2020 йилда Бундестаг 2038 йилда кўмирдан воз кечиш тўғрисидаги қонунни қабул қилган эди. Энергия ишлаб чиқариш учун қаттиқ ва қўнғир кўмирдан фойдаланиш 2035 йилга келиб тўхтатилиши мумкин. 2022 йилда Шимолий Рейн-Вестфалия федерал штати 2030 йилгача қўнғир кўмирдан электр энергияси ишлаб чиқариш учун фойдаланишни тўхтатишини маълум қилган.
Бугунги кунда кўмир Германияда электр энергияси ишлаб чиқариш учун иккинчи муҳим энергия манбаи ҳисобланади, — дея қўшимча қилган нашр.
2023 йил баҳорида Япониянинг Хиросима шаҳрида бўлиб ўтган G7 саммитида G7 давлатлари кўмирни босқичма-босқич тўхтатиш муддатлари бўйича келиша олмаган эди. Бироқ, улар қазиб олинадиган ёқилғидан воз кечиш бўйича келишувга эришган. Унга кўра, мамлакатлар 2050 йилгача энергия тизимларида углерод нейтраллигига эришиш учун қазиб олинадиган ёқилғидан босқичма-босқич воз кечишни тезлаштириш мажбуриятини олган.
Изоҳ (0)