Isroil HAMASni Rafahdagi quruqlikdagi operatsiya oldidan garovga olish kelishuviga erishish uchun oxirgi imkoniyat borligi haqida ogohlantirdi, deya Euronews xabar berdi.
Isroil OAVlari Qohiradagi muzokaralarning navbatdagi bosqichi 26-aprel kuni yakunlanganini xabar qilgan edi. Isroil delegatsiyasi kelishuvni ta’minlash uchun yana keng ko‘lamli yon berishlarga tayyorligini aytgan.
OAVga ko‘ra, Isroil HAMAS taklif qilganidek, garovga olingan 33 nafardan ko‘p bo‘lmagan: ayollar, bolalar, qariyalar va kasallarni ozod qilishga rozilik bildirgan.
“So‘ngi imkoniyat”ning aniq vaqti aniqlanmagan.
Birlashgan Millatlar Tashkiloti tergovchilari Isroil tomonidan ayblanayotgan falastinlik qochqinlarga yordam ko‘rsatish agentligi (UNRWA) xodimlari bo‘yicha19 ishning beshtasini dalillar yo‘qligi sababli to‘xtatib qo‘ygan edi. Keyingi 7 ta holatdan 1 tasi Isroildan yangi dalillar tasdiqlangunga qadar to‘xtatilgan. Tergovchilar qolgan ishlar bo‘yicha ishlashda davom etishlarini ta’kidlamoqda.
Isroil UNRWAni HAMASga yordam berishda ayblaganidan keyin to‘xtatilgan UNRWAni moliyalashtirishni davom ettirishga ko‘proq davlatlar qaror qilmoqda. 26-aprel kuni Niderlandiya hukumati, agar BMT agentligi betarafligini mustahkamlash bo‘yicha tavsiyalarni amalga oshirsa, uni moliyalashtirishni tiklashni ko‘rib chiqayotganini aytgan.
UNRWA G‘azo sektoridagi missiyasini davom ettirish uchun barcha imkoniyatlarni ishga solayotganini ta’kidlamoqda. Ayni paytda, Istanbul yaqinidagi portga qo‘ngan va yuk olayotgan bir necha kemadan iborat Ozodlik flotiliyasidan yordam kelishi kutilmoqda. “Flotiliya” ko‘p kundan beri u yerda bo‘lib, uning jo‘natilishi kechiktirilmoqda. Faollar Isroilni yangi byurokratik to‘siqlar yaratishda ayblagan.
Ma’lumotlarga ko‘ra, “Ozodlik flotiliyasi” 5500 tonnaga yaqin gumanitar yukni tashimoqda, tashkilotchilar Isroil dengiz kuchlarining G‘azo blokadasini buzish niyatida.
Izoh (0)