Австралия Украина учун янги 100 миллион долларлик ҳарбий ёрдам пакети ажратади. Бу ҳақда бош вазир Денис Шмигал маълум қилди.
Украина расмийсига кўра, бу ҳақда Австралия бош вазири ўринбосари ҳамда мудофаа вазири Ричард Марлес билан Лвовдаги учрашувда келишиб олинган.
Австралия Украина учун 100 миллион долларлик янги ёрдам пакетини тайёрламоқда, бу маблағнинг ярми MANPADSънинг катта партиясига ажратилади, тахминан 30 миллион доллари дрон коалицияси доирасида қолган сумма бошқа ҳарбий эҳтиёжларга сарфланади, — деб ёзган Шмигал.
Бундан ташқари, Австралия Украинага “ҳаво-ер” тоифадаги ўқ-дорилар тақдим этади.
Австралиянинг Украинага ёрдами аллақачон 655 миллион доллардан ортиқни ташкил этади, шундан 540 миллион доллари ҳарбий ёрдам.
Украина ва унинг халқи икки йилдан ортиқ кенг кўламли рус босқинидан омон қолди, аммо уларнинг руҳи кучли бўлиб қолмоқда. Украина бу урушда ғалаба қозониши учун Австралия Украина билан узоқ вақт қолади... Биз можаро узоқ муддатли бўлишини тушунамиз ва Украинага содиқмиз. Украина ўз келажаги ва дунёдаги тинчлик учун ғалаба қозониши керак, — дейди Австралия мудофаа вазири.
Изоҳ (0)