АҚШ давлат котиби Энтони Блинкен Исроил ва ҲАМАС ўртасидаги сулҳ битими масаласини ҳал қилиш учун шу ҳафтада Саудия Арабистони ва Мисрга ташриф буюради. CNN бу ҳақда хабар берди.
Хабарда айтилишича, АҚШ олий вакили музокаралар орқали зудлик билан ўт очишни тўхтатишга эришмоқчи. Музокаралар самарали бўлиши учун эса Вашингтон араб лидерлари ёрдамидан фойдаланади.
Блинкенга кўра, музокараларнинг илк мавзуси 7 октябрдаги ҳужум чоғида ҲАМАС томонидан асирга олинган исроилликларни озод этиш ва уларнинг хавфсизлигини кафолатлаш борасида бўлади. Шунингдек, Ғазога инсонпарварлик ёрдамини кўпайтириш бўйича халқаро саъй-ҳаракатларни фаоллаштириш, можародан кейин жамоат тартибини тиклаш ва келгусида тажовузкор ҳужумлар содир этилмаслигини таъминлаш масалалари кун тартибидан ўрин олган.
Араб нашрлари бўлғуси музокараларнинг “нозик томони” сифатида АҚШ расмийси араб давлатлари етакчиларидан Қизил денгиз инқирозига ечим топиш борасида ёрдам сўраши мумкинлиги ҳақида хабар берган. Қизил денгиз ва Адан кўрфазидаги савдо кемаларига Яман ҳусийлари ҳужумларини тўхтатиш масаласи муҳокама қилиниши режалаштирилган.
Изоҳ (0)