Россия Федерация кенгаши спикери Валентина Матвиенко Украинага янги ёрдам пакети ажратгач, Қўшма Штатлар Европадан Киевга имкон қадар кўпроқ пул ажратишни талаб қилади, дея фикр билдирмоқда.
Аввалроқ АҚШ Конгрессининг Вакиллар палатаси кўпчилик овоз билан Украинага қарийб 61 миллиард доллар ажратиш тўғрисидаги қонун лойиҳасини, шунингдек, Украина фойдасига Россия активларини мусодара қилишни назарда тутувчи қонун лойиҳасини қабул қилган эди.
Матвиенко “РИА Новости” агентлигига берган интервьюсида Украинага ёрдам ажратиш тўғрисидаги қарорда кутилмаган ҳеч нарса бўлмагани, маблағ Украина манфаатларига эмас, Америка манфаатларига йўналтирилишини айтган.
“Энди улар Европани тиз чўктиради, улар ушбу қарама-қаршилик учун имкон қадар кўпроқ пул беришларини талаб қилади. Биз воқеаларнинг ҳар қандай ривожига тайёрмиз. А ҳолати учун ҳам, Б ҳолати учун ҳам режаларимиз тайёр. Улар ҳаммасини тушуниб, шунчаки можарони мужмаллаштирмоқда”, — дея хулоса қилган у.
Изоҳ (0)