Rossiya Federatsiya kengashi spikeri Valentina Matviyenko Ukrainaga yangi yordam paketi ajratgach, Qo‘shma Shtatlar Yevropadan Kiyevga imkon qadar ko‘proq pul ajratishni talab qiladi, deya fikr bildirmoqda.
Avvalroq AQSH Kongressining Vakillar palatasi ko‘pchilik ovoz bilan Ukrainaga qariyb 61 milliard dollar ajratish to‘g‘risidagi qonun loyihasini, shuningdek, Ukraina foydasiga Rossiya aktivlarini musodara qilishni nazarda tutuvchi qonun loyihasini qabul qilgan edi.
Matviyenko “RIA Novosti” agentligiga bergan intervyusida Ukrainaga yordam ajratish to‘g‘risidagi qarorda kutilmagan hech narsa bo‘lmagani, mablag‘ Ukraina manfaatlariga emas, Amerika manfaatlariga yo‘naltirilishini aytgan.
“Endi ular Yevropani tiz cho‘ktiradi, ular ushbu qarama-qarshilik uchun imkon qadar ko‘proq pul berishlarini talab qiladi. Biz voqealarning har qanday rivojiga tayyormiz. A holati uchun ham, B holati uchun ham rejalarimiz tayyor. Ular hammasini tushunib, shunchaki mojaroni mujmallashtirmoqda”, — deya xulosa qilgan u.
Izoh (0)