Қатар ва Кувайт ҳукуматлари Қўшма Штатларга ўз базалари ва ҳаво кенгликларидан Эронга қарши ҳар қандай эҳтимолий ҳарбий ҳаракатлар учун фойдаланишни тақиқловчи қонун имзолади. Бу ҳақда IRNA нашри хабар берди.
Бу чора Эроннинг шу ой бошида Дамашқдаги дипломатик биноларига ракета зарбаси бергани учун Исроилдан ўч олиши ҳақидаги баёнотлари фонида амалга оширилган. Қатар ва Кувайт АҚШга ўз базаларидан Эронга қарши ҳаракатлар учун фойдаланишга рухсат бермасликларини маълум қилган.
Бундан ташқари, Форс кўрфази мамлакатлари АҚШ томонидан Эронга қарши потенциал ҳарбий амалиётлар учун ўз ҳаво кенгликларидан фойдаланишни тақиқлаган. Денгиз ҳудудидан фойдаланиш борасида эса ҳеч қандай муҳокама бўлмаган.
АҚШ ҳарбий самолётлари Кувайтдаги Али ас-Салем ва Аҳмад Ал-Жобир ҳаво базаларида, шунингдек, мамлакатнинг Яқин Шарқдаги энг йирик авиабазаси бўлган Қатардаги Ал-Удейд ҳаво базасида жойлашган. Ушбу базалардан Форс кўрфази томон мунтазам ҳаво рейдлари ташкил этиб турилади.
Изоҳ (0)