Исроил армияси Эрон ҳужуми фонида мудофаа йўриқномаларини ўзгартирди. Унга кўра, Исроилда мингдан ортиқ одамнинг би ерга тўпланиши ва таълим билан боғлиқ тадбирлар ўтказиш тақиқланди. Бу ҳақида Исроил қўмондони Рафи Мило хабар қилди.
"Сиз ушбу кўрсатмаларга қатъий риоя қилишда давом этишингиз керак. Улар вазиятни баҳолашга қараб ўзгариши мумкин”, — дейилади Милонинг баёнотида.
Эрон аввалроқ Исроил томон юзлаб дронлар ва ўнлаб ракеталар учиргани ҳақида эълон қилган эди. Исроил армияси уларни Сурия ва Иордания ҳудуди устида уриб туширишга ҳаракат қилган. Мазкур ҳужумлар оқибатида дунёнинг бир қатор авиакомпаниялари Ироқ, Исроил ва Иордания ҳаво ҳудудидан фойдаланишни тўхтатди.
Эроннинг ҳужуми Исроилнинг Дамашқдаги Эрон элчихонаси мажмуаси жойлашган дипломатик кварталга уюштирган зарбасига жавоб бўлди. 1 апрель куни уюштирилган ҳужумда эронлик икки генерал ва беш зобит ҳалок бўлганди.
Изоҳ (0)