АҚШ ва Буюк Британия биргаликда Россия иқтисодиёти учун муҳим даромад манбаига зарба бериш мақсадида Россиядан металл импортини тақиқлашни узайтирди, дея BBC хабар берди.
Янги чора-тадбирлар Россияда ишлаб чиқарилган алюминий, мис ва никелни АҚШга олиб киришни тақиқлайди, — дейилади АҚШ Адлия вазирлиги баёнотида.
Санкциялар, шунингдек, АҚШ ва Британия ҳукумати томонидан илгари қабул қилинган чора-тадбирларга мувофиқ, глобал биржаларда ва биржадан ташқари савдоларда ушбу металлардан фойдаланишни чеклайди.
Бу Лондон металл биржаси ва Чикаго товар биржасига Россияда ишлаб чиқарилган ҳар қандай янги алюминий, мис ва никелни қабул қилиш тақиқланишини англатади.
Биз иттифоқчиларимиз билан биргаликда ҳаракат қилсак, Путиннинг Украинада ноқонуний уруш олиб боришига чек қўйишимиз мумкин. АҚШ билан Россия металларини иккита йирик биржада тақиқлаш бўйича қатъий ҳаракатимиз Кремлнинг уруш машинасига кўпроқ пул ўтказишига тўсқинлик қилади, — дейди Буюк Британия молия вазири Жереми Хант.
Изоҳ (0)