“Эроннинг Исроилга эҳтимолий ҳужуми муносабати билан Германия элчихонаси ходимларининг оила аъзолари Эронни тарк этишмоқда”, — дейилади “РИА Новости” хабарида. Эвакуация қилинганлар сони аниқланмаган.
Сайт маълумотларига кўра, Германиянинг Эрон ва Исроилдаги элчихоналарида қўшимча хавфсизлик чоралари кўрилган, вазиятни муҳокама қилиш учун шанба ва якшанба кунлари Германия Ташқи ишлар вазирлигида тезкор гуруҳ йиғилади.
Бир кун аввал Германия Ташқи ишлар вазирлиги Германия фуқароларини Эронни тарк этишга, Исроил ва Фаластин ҳудудларига саёҳат қилишдан тийилишга чақирганди.
Американинг The Wall Street Journal газетаси Исроил яқин кунларда Эрондан уюштирилиши мумкин бўлган ҳужумга тайёрланаётгани, бу Исроилнинг Сурия пойтахти Дамашқдаги Эрон Бош консуллиги биносига уюштирган ҳаво ҳужумига жавоб бўлиши тахмин қилинаётгани ҳақида хабар берди.
Изоҳ (0)