Украиналик қочқинларнинг уйларига қайтишига ёрдам берган россиялик фаол Россия жануби-ғарбидаги Белгород шаҳрида полиция ҳибсхонасида вафот этди. Бу ҳақда The Moscow Times нашри хабар берди.
Хабарда айтилишича, 61 ёшли Александр Демиденко 2023 йилнинг октябрь ойида ўғирлаб кетилган ва қийноққа солинган. Демиденкога дастлаб жамоат жойида спиртли ичимлик истеъмол қилганлик айблови қўйилиб, 10 кунлик қамоқ жазоси тайинланган. Қамоқдан чиққанидан кўп ўтмай эса ноқонуний қурол сақлаганликда айбланиб, тергов ҳибсхонасига жойлаштирилган.
Россиянинг “Вот Так” маҳаллий нашри маълумотларига кўра, Демиденко 5 апрель куни Белгороддаги тергов изоляторида вафот этган. Унинг вафот этгани ҳақида эса 8 апрель куни хабар қилинган.
Россиялик фаолнинг хотини ва ўғлига дастлаб хабар берилган. Белгороддаги бир қанча маҳаллий нашрлар ҳам унинг вафотини 8 апрель куни тасдиқлаган.
Россия томонидан эгалланган Украина шарқий вилоятларида 2022 йилнинг февралидан бери украинларнинг кўчиши давом этмоқда. Улар Россия ҳукуматига бўйсунишдан бош тортиб, “Колотиловка” чегара пункти орқали Киев назоратидаги ҳудудларга ўтишмоқда. Ҳозирги хабарларга кўра, ушбу чегара постини кунига камида 100 нафар этник украин кесиб ўтмоқда.
Александр Демиденко қочқин украинларга бошпана бергани хабар қилинган. Бу эса унга айблов эълон қилиниши учун баҳона бўлгани хабар қилинган. Бошқа хабарга кўра, марҳум фаол “Колотиловка” чегара пунктидаги рус аскарлари қочқин украинларни ўтказиб юбориш эвазига пора талаб қилгани ҳақида маълум қилган.
Изоҳ (0)