Европолнинг Европа иқтисодиётидаги жиноий тармоқлар бўйича янги ҳисоботига кўра, асосий жиноий гуруҳларнинг 86 фоизи қонуний бизнес билан шуғулланади. Бу ҳақда Euronews хабар берди.
Маълум бўлишича, жиноий гуруҳлар коррупция йўли билан Европа Иттифоқидаги қонуний бизнесга кириб бормоқда.
Ҳисоботга кўра, энг фаол жиноий гуруҳларнинг 86 фоизи ўз фаолиятини яшириш ва жиноятдан олинган даромадларни легаллаштириш учун қонуний иқтисодда қатнаша олади.
821 та энг хавфли жиноий тармоқлар ва уларнинг 25 000 нафар аъзоси фойда олиш мақсадида жиноят содир этади ва бир вақтнинг ўзида бир нечта мамлакатларда фаолият юритиши мумкин. Улар кенг кўламли жиноий ишларда, жумладан, гиёҳванд моддалар савдосидан тортиб фирибгарлик, мулкий жиноятлар, мигрантлар контрабандаси ёки одам савдоси бўйича фаолият юритади, — деди Европол ижрочи директори Кетрин де Болле.
Европол маълумотларига кўра, жиноий гуруҳларнинг 70 фоиздан ортиғи коррупцияга мурожаат қилади — шу орқали улар полиция ва судлар учун тўсиқлар яратади.
Испания миллий полицияси аллақачон Европол билан ҳамкорликда Испаниядан Францияга гиёҳванд моддаларни ташишга ихтисослашган жиноий ташкилотни йўқ қилганини эълон қилган эди.
Изоҳ (0)