Crocus теракти бўйича ўн биринчи айбланувчи ҳибсга олинди

Москванинг Басманний туман суди Crocus City Hall концерт залида содир этилган теракт бўйича ўн биринчи айбланувчини 22 майгача ҳибсга олди. Бу ҳақда Deutsche Welle хабар берди.

Гумонланувчи — Тожикистон фуқароси Муҳаммад Зоир Шарипзода исмли шахс. У одам ўлимига сабаб бўлган теракт содир этганликда айбланган.

Теракт иши бўйича бошқа суд мажлисларидан фарқли ўлароқ, журналистлар бу ҳақда олдиндан хабардор қилинмаган, — деб таъкидлайди Медиазона.

Журналистларнинг даъволарига жавобан суд матбуот хизмати ўзларининг Telegram-каналидаги тўлиқ маълумотга ишора қилган.

Суд маълумотларига кўра, тергов Шарипзодани Crocusъдаги терактни тайёрлашда иштирок этганлардан бири деб ҳисобламоқда. Суд матбуот хизмати гумон қилинаётган шериклик айнан нимадан иборат бўлганига аниқлик киритмаган. Унга қўйилган модда бўйича энг кўп жазо умрбод қамоқ жазоси бўлиши мумкин.

Москва яқинидаги Красногорскдаги Crocus City Hall биносига ҳужум 22 март куни кечқурун содир бўлган эди. Қуролланган одамлар бинога бостириб кириб, одамларга қарата ўт очган, бир неча портлашлардан сўнг, ёнғин бошланган. Сўнгги маълумотларга кўра, теракт оқибатида 145 киши ҳалок бўлган, 551 киши жароҳатланган.

Судлар аллақачон терактга алоқадорликда гумон қилинган ўн киши, жумладан, тўрт нафари бевосита жиноятчини ҳибсга олган.