Yevropolning Yevropa iqtisodiyotidagi jinoiy tarmoqlar bo‘yicha yangi hisobotiga ko‘ra, asosiy jinoiy guruhlarning 86 foizi qonuniy biznes bilan shug‘ullanadi. Bu haqda Euronews xabar berdi.
Ma’lum bo‘lishicha, jinoiy guruhlar korrupsiya yo‘li bilan Yevropa Ittifoqidagi qonuniy biznesga kirib bormoqda.
Hisobotga ko‘ra, eng faol jinoiy guruhlarning 86 foizi o‘z faoliyatini yashirish va jinoyatdan olingan daromadlarni legallashtirish uchun qonuniy iqtisodda qatnasha oladi.
821 ta eng xavfli jinoiy tarmoqlar va ularning 25 000 nafar aʼzosi foyda olish maqsadida jinoyat sodir etadi va bir vaqtning o‘zida bir nechta mamlakatlarda faoliyat yuritishi mumkin. Ular keng ko‘lamli jinoiy ishlarda, jumladan, giyohvand moddalar savdosidan tortib firibgarlik, mulkiy jinoyatlar, migrantlar kontrabandasi yoki odam savdosi bo‘yicha faoliyat yuritadi, — dedi Yevropol ijrochi direktori Ketrin de Bolle.
Yevropol ma’lumotlariga ko‘ra, jinoiy guruhlarning 70 foizdan ortig‘i korrupsiyaga murojaat qiladi — shu orqali ular politsiya va sudlar uchun to‘siqlar yaratadi.
Ispaniya milliy politsiyasi allaqachon Yevropol bilan hamkorlikda Ispaniyadan Fransiyaga giyohvand moddalarni tashishga ixtisoslashgan jinoiy tashkilotni yo‘q qilganini e’lon qilgan edi.
Izoh (0)