НАТО бош котиби Йенс Столтенберг Украина учун НАТОнинг махсус миссиясини тузишни ва альянснинг Киевга беш йил муддатга 100 миллиард евро миқдорида ҳарбий ёрдам кўрсатишга келишишни таклиф қилмоқда. Бу ҳақда тегишли манбаларга таяниб, Deutsche Welle хабар берди.
Мазкур режалар НАТО давлатлари ташқи ишлар вазирларининг 3—4 апрель кунлари Брюсселда бўлиб ўтадиган йиғилишида муҳокама қилинади. Украинани қўллаб-қувватлашни кенгайтириш бўйича якуний қарор июль ойида Вашингтонда бўлиб ўтадиган НАТО саммитига қадар қабул қилинмайди.
Украина бўйича НАТО миссияси ташкил этилса, унинг асосий вазифаси Украина ҳарбийларини қурол-яроғ билан таъминлаш ва ўқитишни мувофиқлаштириш бўлиши кутилмоқда.
Йенс Столтенбергнинг ғояси НАТОнинг Украинани қўллаб-қувватлашини умумий даражага олиб чиқиш, Дональд Трампнинг Оқ уйга қайтиши эҳтимолини ҳисобга олган ҳолда уни алоҳида аъзо мамлакатлардаги сиёсий вазиятдан мустақил қилиш, — дейди dpa нашри.
НАТО давлатлари томонидан Украинани ҳарбий қўллаб-қувватлаш учун 100 миллиард евролик жамғарма яратиш истиқболи очиқлигича қолмоқда.
Изоҳ (0)