Ливандаги “Ҳизбуллоҳ” ташкилоти 30 март куни Исроил ҳарбий объектларига икки бор ҳужум ташкил этган. Бу ҳақда Al Jazeera нашри хабар берди.
Хабарда айтилишича, Исроилнинг Хирбет Маар ва Раҳеб ҳарбий объектларига иккита алоҳида ҳужум уюштирилган. Натижада ҳарбий муассасаларга шикаст етиб, йўқотишлар қайд этилган.
“Ҳизбуллоҳ” расмийлари билдиришича, ҳужумлар мос равишда 30 март куни кундузги вақт билан 12:20 ва 12:45 да содир этилган. Ҳужумларда ракеталар ва артиллерия снарядлари қўллангани хабар қилинган.
Исроил армияси ва “Ҳизбуллоҳ” ўртасида Ғазо уруши бошланганидан бери бир неча бор тўқнашув юз берган. Томонлар бир-бирига нисбатан асосан ҳаво ҳужумлари ташкил этмоқда. Ливан жанубида Исроил ҳарбийлари томонидан оқ фосфорли бомбалар қўллангани тўғрисида маълумотлар тарқатилган.
Изоҳ (0)