Ливия ҳукумати 30 март куни очарчилик чангалида қолган Ғазога гуманитар ёрдам жўнатилганини маълум қилди. Бу ҳақда Anadolu нашри хабар берди.
Хабарда айтилишича, фаластинликлар учун юклар гуманитар ёрдам кемаси орқали олиб кетилган. Ёрдам аввал Мисрнинг Ал-Ариш портига етиб боради, кейин Рафаҳдан қуруқлик орқали Ғазога киритилади.
Кемада 1200 тоннадан ортиқ гуманитар ёрдам олиб кетилгани хабар қилинган. Юклар Ливия ғарбидаги Мисрата портидан юкланган.
Мисрата вилояти расмийлари ва Ливия Қизил ярим ой жамияти аъзолари кема бортида бўлиб, ёрдам Ғазога етгунча ҳамроҳлик қилишлари маълум қилинган. Бу тадбир юклар дахлсизлиги учун амалга оширилган.
Ливияда фаолият юритаётган “Ғазони қутқариш” халқаро компанияси, Триполи ҳамда Мисрата, Злитен ва Завийядаги фуқаролик жамияти ташкилотлари ёрдам юкларини тўплашга ҳисса қўшгани айтилган.
Изоҳ (0)