Исроил армияси 29 март куни Ливан жанубида уюштирган ҳаво ҳужумларида “Ҳизбуллоҳ” гуруҳи қўмондони ўринбосари ҳалок бўлди. Бу ҳақда Al Jazeera нашри хабар берди.
Хабарда айтилишича, гуруҳнинг ракета ва учар қурилмалар тармоғи бошлиғи ўринбосари Али Абдел Ҳасан Наим ҳужумда ҳалок бўлган. Бу ҳақда дастлаб Times of Israel хабар чиқарган.
Исроил ҳарбийлари вафот этган қаршилик фронти расмийсини ракеталар соҳасида етакчи ва муҳим “Ҳизбуллоҳ” арбоби сифатида таърифлаган. У Исроил ҳудудига ҳужумларни режалаштириш ва амалга оширишда бевосита иштирок этгани айтилган.
Маълумот ўрнида, 29 март куни бир қанча Ливан нашрлари мамлакат жанубига Исроил ҳужуми содир бўлгани ҳақида хабарлар тарқатган. Бинолар, автомобиллар ва давлат муассасалари вайрон қилингани айтилган.
Изоҳ (0)