Исроил ҳарбийлари 26 март куни оккупация қилинган Ғарбий Соҳил ҳудудида рейд ўтказиб, 30 нафар фаластинликни ҳибсга олган. Бу ҳақда Al Jazeera нашри хабар берди.
Хабарда айтилишича, рейд чоғида тинч аҳолига қарата ўқ узиш юз берган. Аҳоли орасида ҳалок бўлганлар ҳақида ҳозирча маълумот йўқ.
Манбада келтирилишича, асосан Рамаллоҳ шимолидаги Жалазон лагерида, шунингдек, Хеврон, Тулкарим, Наблус, Женин ва Тубас ҳудудларида аҳоли ҳибсга олинган.
Бир қатор араб нашрлари Ғарбий Соҳилда 7 октябрдан бери ҳибсга олинган фаластинликларнинг умумий сонини 7800 нафар атрофида деб тахмин қилмоқда. Исроил расмийлари ноқонуний ҳибсга олишлар ҳақида муносабат билдирмаган.
Изоҳ (0)