Crocus City Hall’даги теракт ортида АҚШ, Буюк Британия ва Украина расмийлари турибди. Бу ҳақда 26 март куни Россия Федерал хавфсизлик хизмати раҳбари Александр Бортников “ТАСС” нашрига маълум қилди.
Россия расмийси фикрича, фронтда устунликни йўқотаётган Украина Россияга билвосита ҳужумлар уюштириш орқали ўз имкониятлари ҳали сақланиб қолаётганини кўрсатишга уринган. Терактга тўғридан тўғри Киев расмийлари масъул бўлиши мумкин.
“Биз буни ҳақиқат деб ҳисоблаймиз. Нима бўлганда ҳам, биз ҳозир мавжуд фактларга таяниб гапиряпмиз. Тўғри, бу умумий маълумот, лекин улар буни узоқ режалаштиргани ҳақида ишончли манбаларимиз бор”, — деган Александр Бортников.
Бортников, шунингдек, ҳужум сценарийсини ёзишда Британия ва АҚШ разведкаси фаол ишлаганини даъво қилган.
“Украинага ўз имкониятларини намойиш қилиш учун нима керак эди? Албатта, рақиб ортида саботаж ва қўпорувчилик содир этиш. Украина махсус хизматлари раҳбарияти ҳам, Британия махсус хизматлари ҳам айнан шуни мақсад қилган. АҚШ махсус хизматлари бунга йўл очган”, — деган у.
Изоҳ (0)