“Толибон” ҳаж вазири вазифасини бажарувчи Нур Муҳаммад Соқиб Ўзбекистон бош муфтийси шайх Нуриддин Холиқназаров билан учрашди. Бу ҳақда Avapress хабар берди.
Томонлар икки давлат уламолари ўртасидаги алоқаларни ривожлантириш ва такомиллаштириш масалалари, Афғонистон билан муносабатларни мустаҳкамлаш, ривожлантириш, масжидлар, мактаблар, диний таълим соҳасида ҳамкорлик, мувофиқлаштириш ва тажриба алмашиш масалаларини муҳокама қилган.
Муҳаммад Соқиб сафари давомида Тошкент шаҳридаги диний ва ислом марказларига ташриф буюрган. Делегация Тошкент шаҳридаги “Исломобод” жоме масжидида таровиҳ намозини ўқиган.
16 март, шанба куни “Толибон” ҳаракатининг Ҳаж вазирлиги вазифасини бажарувчиси олий мартабали делегация бошчилигида Ўзбекистонга ташриф буюрган эди. Ўн кишилик делегацияни мамлакатга Ўзбекистон Мусулмонлар идораси раиси, муфтий Шайх Нуриддин Холиқназаров расман таклиф қилган.
Изоҳ (0)