“Tolibon” haj vaziri vazifasini bajaruvchi Nur Muhammad Soqib O‘zbekiston bosh muftiysi shayx Nuriddin Xoliqnazarov bilan uchrashdi. Bu haqda Avapress xabar berdi.
Tomonlar ikki davlat ulamolari o‘rtasidagi aloqalarni rivojlantirish va takomillashtirish masalalari, Afg‘oniston bilan munosabatlarni mustahkamlash, rivojlantirish, masjidlar, maktablar, diniy ta’lim sohasida hamkorlik, muvofiqlashtirish va tajriba almashish masalalarini muhokama qilgan.
Muhammad Soqib safari davomida Toshkent shahridagi diniy va islom markazlariga tashrif buyurgan. Delegatsiya Toshkent shahridagi “Islomobod” jome masjidida tarovih namozini o‘qigan.
16-mart, shanba kuni “Tolibon” harakatining Haj vazirligi vazifasini bajaruvchisi oliy martabali delegatsiya boshchiligida O‘zbekistonga tashrif buyurgan edi. O‘n kishilik delegatsiyani mamlakatga O‘zbekiston Musulmonlar idorasi raisi, muftiy Shayx Nuriddin Xoliqnazarov rasman taklif qilgan.
Izoh (0)