“Толибон”нинг саноат ва савдо вазири Ўзбекистон ташқи ишлар вазири билан савдо ва сармояни кенгайтириш ҳақида суҳбатлашди.
“Толибон” ҳукумати саноат ва савдо вазири Нуруддин Азизий Ўзбекистон ташқи ишлар вазири билан учрашишда томонлар транзит савдоси ва сармоясини кенгайтириш, икки давлат ўртасидаги савдо муаммоларини ҳал этиш, Афғонистон транзит юклари учун кўпроқ қулайликлар яратиш, Ўзбекистонда афғон товарлари учун транзит божини камайтириш масаласини муҳокама қилди.
Ушбу учрашув охирида яқин келажакда икки давлатнинг тегишли идоралари мутасаддиларининг Мозори Шариф шаҳрида икки томон ўртасида савдо ва транзитни ривожлантириш йўлидаги тўсиқларни бартараф этиш мақсадида алоҳида учрашув ўтказиши келишиб олинди.
Аввалроқ Ўзбекистон ташқи ишлар вазири Бахтиёр Саидов “Толибон” ҳаракати бош вазири Мулла Муҳаммад Ҳасан Охунд билан учрашувда Ўзбекистон Афғонистонда цемент заводи қуриш, кўмир қазиб олиш ва кўмирдан 200 мегаватт электр энергияси ишлаб чиқариш учун сармоя киритиш ниятида эканини айтганди.
Изоҳ (0)