14 март куни Италия мудофаа вазири Гидо Кросетто Рим Исроилга қурол етказиб беришни тўхтатганини маълум қилди. Бу ҳақда Италия манбаларига асосланиб, "ТАСС" нашри хабар берди.
“7 октябрь воқеаларидан кейин Исроилга қурол ўтказиш бўйича янги рухсатномалар берилмади, оқибатда етказиб бериш тўхтаб қолди. Октябрь ойидан бери Тель-Авив билан қурол-яроғ алмашинуви амалга оширилмади”, — дейилади Италия расмийси баёнотида.
Хабарда айтилишича, Италия урушни молиялаштиришни истамайди. Шу сабабдан ҳам уруш бошлангандан бери қурол жўнатиш бўйича барча сўровлар рад этилган.
Италия ҳукумати ҳарбий ҳаракатларда иштирок этаётган барча мамлакатларга нисбатан бир хил позицияда туриш мақсадида қатъиятини маълум қилган. Исроилга нисбатан қўлланган сценарий Украина учун ҳам ишлаши айтилган.
Изоҳ (0)