Россия аскарлари Украинада махсус операция бошлаганидан бери 6 мингга яқин хорижлик ёлланма аскарни йўқ қилган. Бу ҳақда Россия Мудофаа вазирлиги баёнот берди.
Хабарда айтилишича, 2022 йил 24 февралдан буён Украинага келган хорижлик ёлланма аскарларнинг умумий сони 13387 нафарни ташкил этган. Улардан бугунги кунга қадар 5962 нафари ҳарбий операциялар давомида йўқ қилинган.
Ўлдирилган хорижлик ёлланма аскарларнинг мутлақ кўпчилиги Польшадан келгани маълум қилинган. Шу пайтга қадар Украина фронтига Польшадан 2960 нафар кўнгилли келиб қўшилган, улардан 1497 нафари йўқ қилинган.
Шунингдек, уруш давомида фронтга
- Грузиядан 1042 нафар,
- Қўшма Штатлардан 1113 нафар,
- Канададан 1005 нафар,
- Буюк Британиядан 822 нафар,
- Руминиядан 784 нафар ва
- Германиядан 235 нафар ёлланма аскарлар келиб қўшилган.
Россия кучлари шу пайтга қадар Грузиядан келган 561 нафар, АҚШдан келган 491 нафар, Канададан буюртма асосида келган 422 нафар, британиялик 360 нафар, Руминиядан келган 784 нафар ва германиялик 88 нафар ёлланма аскарни йўқ қилган. Шунингдек, Россия идоралари Украина шарқий фронтида 356 нафар француз ёлланма аскарлари жамланганини, улардан 147 нафари йўқ қилинганини маълум қилган. Франция ҳукумати ушбу баёнотни рад этиб, Украина урушида француз ёлланма аскарлари ҳеч қанақасига иштирок этмаётганини маълум қилган.
Россия Мудофаа вазирлиги ҳарбий ҳаракатларда қатнашиш учун Украинага келган барча хорижий ёлланма аскарларни кузатиш ва шахсан қайд этишда давом этаётганини билдирган.
Изоҳ (0)