Хитой Ташқи ишлар вазирлиги матбуот котиби Ван Вэньбинь Россия президенти Владимир Путиннинг ядро қуролидан фойдаланиши мумкин бўлган тамойиллар ҳақидаги сўзларига изоҳ берди. Бу ҳақда “РИА Новости” хабар берди.
Путин журналист Дмитрий Киселёвга берган интервьюсида мамлакат суверенитети ва мустақиллигига путур етказиш ҳақида гап кетса, Россия ядро қуролидан фойдаланишга тайёрлигини айтган.
Россиянинг тегишли баёнотлари билан таниш эмасман, лекин шуни таъкидламоқчиманки, 2022 йил январь ойида бешта ядровий давлат ядро урушининг олдини олиш бўйича баёнот бериб, ядро урушида ғалаба қозониб бўлмаслигини таъкидлаган. Россия ушбу тамойилни бир неча бор тасдиқлаган, — деди Ван Вэньбинь.
Венбинга кўра, Хитой ядровий қуролга эга бўлган барча давлатлар умумий хавфсизлик концепциясига амал қилиши ва глобал стратегик мувозанат ва барқарорликни сақлашини тарғиб қилган.
Ҳозирги вазиятда барча томонлар деэскалацияни биргаликда қўллаб-қувватлаш учун реал ҳаракатлар қилиши керак, — дея таъкидлаган дипломат.
Изоҳ (0)