Xitoy Tashqi ishlar vazirligi matbuot kotibi Van Venbin Rossiya prezidenti Vladimir Putinning yadro qurolidan foydalanishi mumkin bo‘lgan tamoyillar haqidagi so‘zlariga izoh berdi. Bu haqda “RIA Novosti” xabar berdi.
Putin jurnalist Dmitriy Kiselyovga bergan intervyusida mamlakat suvereniteti va mustaqilligiga putur yetkazish haqida gap ketsa, Rossiya yadro qurolidan foydalanishga tayyorligini aytgan.
Rossiyaning tegishli bayonotlari bilan tanish emasman, lekin shuni taʼkidlamoqchimanki, 2022-yil yanvar oyida beshta yadroviy davlat yadro urushining oldini olish bo‘yicha bayonot berib, yadro urushida g‘alaba qozonib bo‘lmasligini taʼkidlagan. Rossiya ushbu tamoyilni bir necha bor tasdiqlagan, — dedi Van Venbin.
Venbinga ko‘ra, Xitoy yadroviy qurolga ega bo‘lgan barcha davlatlar umumiy xavfsizlik konsepsiyasiga amal qilishi va global strategik muvozanat va barqarorlikni saqlashini targ‘ib qilgan.
Hozirgi vaziyatda barcha tomonlar deeskalatsiyani birgalikda qo‘llab-quvvatlash uchun real harakatlar qilishi kerak, — deya ta’kidlagan diplomat.
Izoh (0)