Хитой, Россия ва Эрон ҳарбий-денгиз кучлари Уммон кўрфазида 15 мартгача давом этадиган қўшма машғулотлар ўтказаётганини маълум қилди. Бу ҳақда The Moscow Times хабар берди.
Машғулотларга уч давлатдан жами 20 дан ортиқ кемалар, жанговар катерлар, шунингдек, ҳарбий вертолётлар жалб этилган.
Машғулотлардан мақсад савдони яхшилаш, қароқчилик ва терроризмга қарши курашиш, гуманитар фаолиятни қўллаб-қувватлаш ва қутқарув соҳасида маълумот алмашиш, — деди машғулот иштирокчиси адмирал Мостафа Тажаддини.
Бир йил аввал Россия, Эрон ва Хитой Уммон кўрфазида қўшма денгиз машқларини ўтказган. Шунингдек, 2023 йилда Россия ва Хитой Жанубий Африка билан ҳамкорликда ҳарбий-денгиз машғулотлари бўлиб ўтган.
Хитой ва Россия 2022 йилда олтита қўшма ҳарбий машғулотлар ўтказган. АҚШ Миллий мудофаа университети қошидаги Хитой ҳарбий ишларини ўрганиш маркази томонидан тўпланган маълумотларга кўра, бу сўнгги йигирма йилдаги энг юқори кўрсаткичдир.
Изоҳ (0)