Россия ҳали ҳам ядро қуролидан фойдаланиши мумкин, у узоқ масофага учувчи ядровий каллакли ракеталар ишлаб чиқмоқда. АҚШ разведкаси ўзининг тегишли ҳисоботини эълон қилди.
Ҳисоботда Россия ўзининг ядровий қурол салоҳиятини модернизация қилишда давом этиши, энг катта ва хилма-хил ядровий қурол захирасини сақлаб қолиши таъкидланди.
“Москва ўзининг ядровий имкониятларини АҚШ ва НАТОга қарши юзага келиши мумкин бўлган можарода ўз мақсадларига эришишда зарур деб ҳисоблайди ва буни Россия учун якуний кафолат деб билади.
Россиянинг жанг майдонида тез ва қатъий ғалабага эриша олмагани, Украинанинг Россия ичидаги зарбалари билан бирга Путин ядро қуролидан фойдаланиши мумкинлигидан хавотир уйғотади”, — дейилади разведка ҳисоботида.
Шунингдек, разведка 2023 йилда Путин Минскнинг узоқ йиллик илтимосига жавобан ядро қуролини Беларусга кўчиришга тайёрлигини очиқ эълон қилганини эслади.
“Москва АҚШнинг ракетага қарши мудофаа тизимидан ўтиш ёки ундан қочиш учун узоқ масофали ядро каллакларига эга ракеталар ва сувости етказиб бериш тизимларини ишлаб чиқишда давом этади. Россия ядровий ёки оддий каллакларни етказиб беришга қодир бўлган катта ва хилма-хил стратегик бўлмаган тизимларни кенгайтирмоқда ҳамда модернизация қилмоқда, чунки Москва назарида бундай тизимлар душманни тўхтатиб туриш, потенциал ҳарбий ҳаракатлар кучайишини назорат қилиш, АҚШ ва иттифоқчи кучларга қарши туриш имконини беради”, — дея хулоса қилди америкалик разведка зобитлари.
Изоҳ (0)