Ўзбекистонда 2024 йилнинг икки ойида энг кўп солиқ тўлаган йирик солиқ тўловчилар очиқланди

Ўзбекистонда 2024 йил январь-февраль ойларида 2 186 та йирик солиқ тўловчилар томонидан 17 трлн сўмдан ортиқ солиқ тушумлари амалга оширилди. Бу ҳақда Солиқ қўмитаси матбуот хизмати хабар берди.

Маълум қилинишича, шундан 8,7 трлн сўми давлат улуши мавжуд топ-10 та йирик солиқ тўловчи ҳисобига тўғи келади. Ушбу ўнликда солиқ тўловлари бўйича “Навоий кон металлургия комбинати” етакчилик қилмоқда – 4,5 трлн сўм.

“Кучли бешлик”даги солиқ тўловчилар:

• “Олмалиқ кон-металлургия комбинати” АЖ – 1,3 трлн сўм;
• “Ҳудудгазтаъминот” АЖ – 677,9 млрд сўм;
• “Ўзбекнефтгаз” АЖ – 525,9 млрд сўм;
• “Uzbektrade” АЖ – 523,9 млрд сўм.

 1,3 трлн сўми хусусий сектордаги топ-10 йирик солиқ тўловчилар ҳисобига тўғри келади. Мазкур рейтингда “УЗ BAT” АЖ ҚК – 436 млрд сўм солиқ тушумларини амалга оширган ҳолда энг юқори кўрсаткич қайд этган.

Кейинги ўринларда:

• “Enter Engineering Ltd” – 181 млрд сўм;
• “Tashkent tobacco” МЧЖ – 139 млрд сўм;
• “Kapitalbank” АТБ – 136 млрд сўм;
• “Ҳамкорбанк” АТБ – 94 млрд сўм.