Ўзбекистонда ишлаб чиқариш соҳасидаги топ-5 солиқ тўловчилар маълум қилинди

Ўзбекистонда ўтган 2023 йилда ишлаб чиқариш соҳасидаги топ-5 солиқ тўловчилар маълум қилинди. 

Солиқ қўмитаси хабарига кўра, 2023 йилда ишлаб чиқариш соҳасидаги корхоналар ўртасида энг кўп солиқ тўлаганлар:

• “Ўзбекнефтгаз” АЖ — 4,7 триллион сўм;
• “UzAuto Motorс” АЖ — 2,5 триллион сўм;
• “УЗBAT А.О.” АЖ — 2,4 триллион сўм;
• “Иссиқлик электр станциялари” АЖ —1,4 триллион сўм;
• “Бухоро нефтни қайта ишлаш заводи” МЧЖ —1 триллион сўм.

Ўзбекистонда 2023 йил январь—декабрь ойларида ишлаб чиқариш фаолияти билан шуғулланувчи 67 322 та юридик шахс томонидан 41,6 триллион сўмга яқин солиқ тўланган. Шундан 18,9 триллион сўми 20 та солиқ тўловчи ҳисобига тўғри келади. Уларнинг товар айланмаси 162,5 триллион сўм, қўлланган солиқ имтиёзлари миқдори эса 2,5 триллион сўмдан ошган. 

Ушбу солиқ тўловчилар томонидан таъминланган тушумлар солиқ турлари кесимида: 

• ҚҚС — 6,5 триллион сўм; 
• акциз солиғи — 3,7 триллион сўм;
• ер қаъридан фойдаланганлик учун солиқ — 2,1 триллион сўм;
• фойда солиғи — 1,9 триллион сўм; 
• ЖШОДС — 1 триллион сўм;
• ижтимоий солиқ — 921,7 миллиард сўм;
• мол-мулк солиғи — 642,3 миллиард сўм;
• ер солиғи — 343,2 миллиард сўм;
• сув ресурсларидан фойдаланганлик учун солиқ — 110,6 миллиард сўм;
• бошқа солиқлар — 1,5 триллион сўм.