O‘zbekistonda 2024-yil yanvar-fevral oylarida 2 186 ta yirik soliq to‘lovchilar tomonidan 17 trln so‘mdan ortiq soliq tushumlari amalga oshirildi. Bu haqda Soliq qo‘mitasi matbuot xizmati xabar berdi.
Maʼlum qilinishicha, shundan 8,7 trln so‘mi davlat ulushi mavjud top-10 ta yirik soliq to‘lovchi hisobiga to‘g‘i keladi. Ushbu o‘nlikda soliq to‘lovlari bo‘yicha “Navoiy kon metallurgiya kombinati” yetakchilik qilmoqda – 4,5 trln so‘m.
“Kuchli beshlik”dagi soliq to‘lovchilar:
- “Olmaliq kon-metallurgiya kombinati” AJ – 1,3 trln so‘m;
- “Hududgaztaʼminot” AJ – 677,9 mlrd so‘m;
- “O‘zbekneftgaz” AJ – 525,9 mlrd so‘m;
- “Uzgaztrade” AJ – 523,9 mlrd so‘m.
1,3 trln so‘mi xususiy sektordagi top-10 yirik soliq to‘lovchilar hisobiga to‘g‘ri keladi. Mazkur reytingda “UZ BAT” AJ QK – 436 mlrd so‘m soliq tushumlarini amalga oshirgan holda eng yuqori ko‘rsatkich qayd etgan.
Keyingi o‘rinlarda:
- “Enter Engineering Ltd” – 181 mlrd so‘m;
- “Tashkent tobacco” MCHJ – 139 mlrd so‘m;
- “Kapitalbank” ATB – 136 mlrd so‘m;
- “Hamkorbank” ATB – 94 mlrd so‘m.
Izoh (0)