Қозоғистонда коррупцияга қарши курашиш учун амалдорлар тергов изоляторлари ва қамоқхона камераларига экскурсияга олиб борилади. Коррупцияга қарши кураш агентлиги расмий вакили Арман Тлеукенов давлат хизматчиларини коррупциядан узоқлаштиришнинг янги усули ҳақида гапирди. Бу ҳақда “Орда.кз” хабар берди.
“Коррупцияга қарши курашиш хизмати ходимлари томонидан профилактика мақсадида давлат хизматчилари учун тергов ҳибсхоналарига мунтазам равишда экскурсиялар ташкил этади. Профилактика экскурсиялари иштирокчиларига тергов хоналари, жиноятчилар учун камералар, маҳкумлар сайр қиладиган жойлар кўрсатади”, — деди у.
Шунингдек, Тлеукенов Қозоғистондаги давлат хизматчилари ва квази-давлат компаниялари ходимлари “қамоқхоналарда бўлиш оғирлигини ҳис қилишлари” ҳамда коррупция ва бошқа жиноий ҳуқуқбузарликлар оқибатлари ҳақида кўпроқ маълумот олиши учун экскурсиялар ўтказишга қарор қилганликларини таъкидлади.
Изоҳ (0)