Қозоғистонда 62 йиллик ҳаво ҳарорати рекорди янгиланди. Бу ҳақда “Казгидромет”га таяниб, Tengrinews хабар берди.
Синоптикларнинг маълум қилишича, 2023 йил декабри об-ҳаво ҳодисаларига бой бўлди. Об-ҳавонинг бундай хилма-хиллиги ва ҳарорат ўзгаришига циклон, антициклонларнинг тез-тез ўзгариши сабаб бўлди.
“Декабрь ойи шартли равишда иккита иссиқ ва битта совуқ тўлқинга бўлинди. Иссиқлик даврида аномал илиқ об-ҳаво кузатилди, қор ёғиб, бўрон бўлди, айрим кунларда эса қорнинг ёмғирга айланиши ва музлаш кузатилди. Совуқ тўлқин пайтида, аксинча, мамлакатнинг шимолида ҳам, жанубида ҳам об-ҳаво 30-40 даражагача совуқлар билан ажралиб турди. Шунинг учун декабрь ойида максимал ва минимал кунлик ҳаво ҳарорати бўйича рекордлар янгиланди”, — дейилади хабарда.
Масалан, 3—6 декабрь кунлари Қозоғистоннинг деярли бутун ҳудудида максимал суткалик ҳаво ҳарорати бўйича рекордлар янгиланган. Жумладан,
- Атирауда 4 декабрь 11,9 даража илиқ (2012 йилги рекорд +10,6 даража эди);
- Таразда 5 декабрь, 19,6 даража илиқ (2019 йилги рекорд +16,2 даража эди),
- Чимкентда 5 декабрь 20,2 даража илиқ (1980 йилги рекорд +17,0 даража эди),
- Остонада 6 декабрь 3,1 даража илиқ (1961 йилги рекорд +1,4 даража ошган),
- Павлодарда 6 декабрь 4,2 даража илиқ, (1961 йил рекордидан +2,2 даража ошиб кетган),
- Уст-Каменогорскда 6 декабрь 8,5 даража илиқ (2019 йил рекордидан +7,2 даражадан ошган).
21—31 декабрда яна бир жазирама тўлқини кузатилиб, шимолий ҳудудларда термометр кўрсаткичи 1-6 даража илиқ, ғарбий вилоятларда 7-13 даража илиқ, шарқий вилоятларда 3-9 даража илиқ, жанубий вилоятларда 14 ва 21 даража илиқ бўлиб, бир қатор станцияларда рекордлар янгиланагн.
Масалан, 21 декабрь куни Уралскда 4,5 даража (2014 йил рекорди 3,9 даража), 25 декабрь куни Чимкентда 20,6 даража (2017 йил рекорди 18 даража), Таразда 20,1 даража (2017 йил рекорди 16,8 даража), 26 декабрь куни Остонада 4,8 даража (1996 йил рекорди 3,4 даража янгиланган) кузатилган.
Изоҳ (0)