Эрон 2024 йилдан бошидан Россияга 400 га яқин “ер-ер” синфидаги баллистик ракеталар юборган. Бу ҳақда олтита аноним манбага таяниб, Reuters хабар берди.
Хабарга кўра, бундай қуроллар қаторида Фатеҳ-110 оиласига мансуб қисқа масофали ракеталар ҳам бор. Улар 300 дан 700 километргача бўлган нишонларни уришга қодир. Ракеталарни етказиб бериш 2024 йил январь ойи бошида бошланган. Эрон ҳарбий амалдорининг аноним тарзда Reuters агентлигига айтишича, ўшандан бери Россияга камида тўртта ракета партияси етказилган. Келгуси ҳафталарда кўпроқ етказиб бериш кутилмоқда.
Бошқа бир ҳарбий амалдорнинг айтишича, ракеталар Каспий денгизи орқали ва самолётда Россияга етказилмоқда.
“Таъминот кўпаяди. Буни яширишга ҳеч қандай сабаб йўқ. Биз хоҳлаган давлатга қурол экспорт қилишимизга рухсат берилган”, — дея қўшимча қилди у.
Октябрь ойида БМТ хавфсизлик кенгашининг Эроннинг баъзи ракеталар, дронлар ва бошқа технологиялар экспортига чеклов киритган резолюцияси муддати тугади.
- 2022 йил кузидан бери Россия ҳарбийлари Украинага зарба беришда Эронда ишлаб чиқарилган камикадзе дронлардан фаол фойдаланмоқда. Ўша йилнинг октябрь ойида Тҳе Washington Post газетаси Эрон Россияни баллистик ракеталар билан таъминлай бошлаши мумкинлигини ёзганди.
- 2023 йил баҳорида Financial Times газетаси Россия Эрондан баллистик ракеталарни сотиб олмаслиги мумкинлиги чунки бу АҚШни Украинага узоқ масофага мўлжалланган ATACMS ракеталарини етказиб беришга ундашини билдирганди.
- 2023 йил октябрь ойи ўрталарида Украина қуролли кучлари биринчи марта Россия қўшинларига қарши ATACMS ракеталарини қўллаган.
- 2024 йил январь ойи бошида The Wall Street Journal Америка расмийларига таяниб, Россия Эрондан қисқа масофага учувчи баллистик ракеталарни сотиб олишни режалаштираётгани ҳақида хабар берди. Тахминан бир вақтнинг ўзида Россия ҳарбийлари Шимолий Корея ракеталаридан фойдаланишни бошлагани маълум бўлди.
Изоҳ (0)