Венгрия Россия билан иқтисодий муносабатларни сақлаб қолишни истайди. Фақатгина Европа Иттифоқи санкциялари амал қиладиган соҳалардагина Россия билан алоқалар чекланиши мумкин. 4 март куни Венгрия Бош вазир Виктор Орбан мамлакатнинг Россияга нисбатан ушбу позициясини маълум қилди. Бу ҳақда “ТАСС” нашри хабар берди.
“Венгрия Шарқ ва Ғарб ўртасидаги мамлакат ва у дунёнинг икки қутблари ўртасидаги муносабатлар ривожланишидан манфаатдор. Биз ўзимизни дунёнинг шарқий қисмидан ажратиб қўя олмаймиз. Биз фақат санкция киритилган соҳалардагина Россия билан ҳамкорликдан тийиламиз”, — деган Венгрия бош вазири Виктор Орбан.
Вазирга кўра, Венгрия Туркия, Марказий Осиё, Хитой ва Россия билан алоқаларни ривожлантиришдан манфаатдор. Мамлакат бу ҳамкорлик йўлидан фаол боради. Мамлакатга янги ҳамкорлар ниҳоятда зарур.
“Европаликлар Украинадаги можарога ечимни вақтида англай олмади. Ҳатто Россия қизиқиш билдирган бир пайтда келишувга эришиш имкони мавжуд эди. Бироқ биз бу имкониятни бой бердик”, — дея қўшимча қилган Орбан.
Изоҳ (0)