Кеча, 3 март санасида Испания Ла Лигаси 27-туридан ўрин олган “Атлетик” ва “Барселона” жамоалари ўртасида учрашув бўлиб ўтди.
Учрашувнинг аксар қисмида меҳмонлар тўпга эгалик қилди. Аммо хавфли вазиятлар яратишда икки жамоа ҳам камчиликка йўл қўйди.
90 дақиқа давомида икки жамоанинг атиги 2 зарбаси аниқ борди. Оқибатда дарвозалар ишғол қилинмади.
Учрашувнинг биринчи тайм сўнггида ҳакамга қилган эътирози учун “Барселона” устози сариқ карточкага лойиқ кўрилди.
Каталонияликлар устози 2021 йил ноябридан бери 15 бора огоҳлантирилган. Ушбу давр давомида ҳеч ким бундай натижани қайд этмаган.
“Барселона” дурангдан сўнг иккинчи ўриндаги “Жирона” билан фарқни бир очкогача қисқартирди. Ҳозирда жамоа ҳисобида 58 очко мавжуд.
Ла Лига
27-тур баҳси
3 март, якшанба
“Атлетик” — “Барселона” 0:0
Изоҳ (0)