Кеча, 29 февраль куни Испания кубоги ярим финал жавоб учрашуви бўлиб ўтди. Унда “Атлетик” ҳамда “Атлетико Мадрид” жамоалари беллашди. Қизиқарли томони “Атлетико” биринчи учрашувда, ўз уйида ютқазганини кўпчилик тасодиф деб ўйлади.
Жавоб ўйинида Симеоне шогирдлари мағлубият тасодиф эмаслигини “исботлади” ва йирик ҳисобда мағлуб бўлди. Ака-ука Уильямслар ҳисобни 2:0 кўринишига олиб келди, Гурузетанинг иккинчи бўлимда урган голи учрашувга нуқта қўйди.
Испания кубоги
Ярим финал
“Атлетик” — “Атлетико” 3:0
Биринчи учрашувда дуранг қайд этган “Мальорка” ва “Реал Сосьедад” жамоалари иккинчи учрашувда ҳам, ғолибни аниқлай олмади ва пенальтилар сериясига йўл олди.
Якуний зарбани голга айлантира олмаган мезбонлар “Мальорка” жамоасига финал йўлланмасини тортиқ қилди.
Испания кубоги
Ярим финал
“Реал Сосьедад” — “Мальорка” 1:1 (4:5)
Шундай қилиб, бош соврин учун “Атлетик” ва “Мальорка” жамоалари куч синашади. Учрашув 6 апрель санасига режалаштирилган.
Изоҳ (0)