Kecha, 29-fevral kuni Ispaniya kubogi yarim final javob uchrashuvi bo‘lib o‘tdi. Unda “Atletik” hamda “Atletiko Madrid” jamoalari bellashdi. Qiziqarli tomoni “Atletiko” birinchi uchrashuvda, o‘z uyida yutqazganini ko‘pchilik tasodif deb o‘yladi.
Javob o‘yinida Simeone shogirdlari mag‘lubiyat tasodif emasligini “isbotladi” va yirik hisobda mag‘lub bo‘ldi. Aka-uka Uilyamslar hisobni 2:0 ko‘rinishiga olib keldi, Guruzetaning ikkinchi bo‘limda urgan goli uchrashuvga nuqta qo‘ydi.
Ispaniya kubogi
Yarim final
“Atletik” — “Atletiko” 3:0
Birinchi uchrashuvda durang qayd etgan “Malyorka” va “Real Sosyedad” jamoalari ikkinchi uchrashuvda ham, g‘olibni aniqlay olmadi va penaltilar seriyasiga yo‘l oldi.
Yakuniy zarbani golga aylantira olmagan mezbonlar “Malyorka” jamoasiga final yo‘llanmasini tortiq qildi.
Ispaniya kubogi
Yarim final
“Real Sosyedad” — “Malyorka” 1:1 (4:5)
Shunday qilib, bosh sovrin uchun “Atletik” va “Malyorka” jamoalari kuch sinashadi. Uchrashuv 6-aprel sanasiga rejalashtirilgan.
Izoh (0)