Буюк Британия қироли Чарльз III тожни ўз меросхўрига топшириш режасини ишлаб чиқмоқда. Бу ҳақда Daily Mirror хабар берди.
Ворислик режалари қиролнинг саратонга чалингани маълум бўлгач ишлаб чиқила бошлаган. Британия қироллик оиласи бўйича мутахассис Том Куинн бу ҳақда маълумот берган.
Куиннга кўра, тегишли режа қиролнинг кенжа ўғли шаҳзода Гарридан сир тутилмоқда. Унга бўлган ишончсизлик Гаррининг интервьюлари ва унинг мемуарида қирол оиласига қилган ҳужумларидан кейин пайдо бўлган.
5 февраль куни Букингем саройи Буюк Чарльз III простата безининг катталашиши туфайли касалхонага ётқизилганида саратон касаллиги аниқланганини маълум қилди.
“Жаноби олийлари миш-мишларнинг олдини олиш учун ва бу бутун дунё бўйлаб саратон касаллигидан азият чекаётганларни тушунишга ёрдам беради, деган умидда ўз ташхиси билан бўлишишга қарор қилди”, — дейилган Букингем саройи баёнотида.
Январь ойи ўрталарида Букингем саройи Чарльз III простата безининг кенгайишидан даволанишини эълон қилди. У 26 январь куни касалхонага ётқизилган ва шу куни монарх жарроҳлик амалиётини ўтказган. Амалиёт муваффақиятли ўтган. 29 январь куни Чарльз III касалхонадан чиқди, аммо шифокорлар соғайиб кетиши учун унга оммавий тадбирларни бир неча кунга қолдиришни маслаҳат берди.
Изоҳ (0)