Ҳусийлар Европа ва Осиёни боғлайдиган алоқа кабелини узиб қўйди

Яман ҳусийлари Қизил денгизда Европа ва Осиёни боғлайдиган тўртта сувости кабелини узиб қўйди. Бу ҳақда Globes нашри хабар берди.

Ҳусийлар томонидан амалга оширилган ҳужумлардан бирида Шарқий Африкадаги Жибути ва Саудия Арабистонининг Жидда шаҳарларини боғловчи тўртта алоқа кабели зарарланган. 

“Ҳусийлар бунга қандай эришганини ҳеч ким билмайди, бироқ ААE-1, Season, EIGHT ва ТGN компанияларининг кабеллари зарар кўрган”, — дейилади хабарда.

Ҳужум натижасида энг кўп кўрфаз мамлакатлари ва Ҳиндистон жабр кўргани айтилмоқда. Шу билан бирга, зарар жуда аҳамиятли эмас, сабаби алоқа бошқа кабеллар томонидан ҳам таъминланади. 

Таъкидланишича, глобал интернет-трафикнинг 17 фоизигача Қизил денгиздаги кабеллар орқали ўтади, улар Африка ва Осиё, Жанубий Европа ва Ҳинд-Тинч океани минтақасини боғлайди. Зарарланган кабелларни таъмирлаш камида саккиз ҳафта давом этади, агар кўпроқ бўлмаса, чунки зарар ҳусийлар зонасида жойлашган. Кабелларни таъмирлашга келган кемалар нишонга олиниши мумкин.

“Телекоммуникация компаниялари таъмирлаш ишларини бажаришга рози бўладиган ва уларга юқори хавф учун мукофот тўлайдиган компанияларни излашга мажбур бўлади”, — дейилади хабарда.