Britaniya qiroli Charlz III kelasi hafta prostata bezini davolash uchun kasalxonaga yotqiziladi, deb xabar berdi BBC Bukingem saroyiga tayanib.
Qayd etilganidek, 75 yoshli monarx “muolaja jarayoni”dan o‘tadi, uning ahvoli qoniqarli. Qirol davolanayotgan paytda uning omma oldidagi chiqishlari qoldiriladi.
“Har yili minglab erkaklar singari, qirol ham prostata bezining kengayishidan davolanadi”, — deyiladi bayonotda.
BBC qayd etishicha, prostata bezining kengayishi 50 yoshdan oshgan erkaklarda keng tarqalgan. Odatda bu jiddiy emas va bemorda prostata saratoni rivojlanish xavfi yuqoriligini anglatmaydi.
Charlz III ning kasalxonaga yotqizilish e’lonidan bir oz avval qirollik oilasi 42 yoshli Uels malikasi Ketrin qorin bo‘shlig‘idan operatsiya qilinganini e’lon qildi. Londondagi xususiy klinikada o‘tkazilgan operatsiya muvaffaqiyatli yakunlangan.
Malika yana 10-14 kun kasalxonada yotadi. Tibbiy tavsiyaga muvofiq, u Pasxa bayrami oldidan davlat vazifalariga qaytishi dargumon, deyiladi qirollik oilasi bayonotida. Ketrinning ahvoli va u boshdan kechirgan operatsiya haqida boshqa ma’lumotlar berilmagan.
Izoh (0)